(أجمل كلام وأحلى

(أجمل كلام وأحلى
صورة لأعز غالي)

{أناالعاشق أناالمغرم
أنا ذاك الفتى الموجود}

أنا اللي مالقى ديره تضمه في أراضيها.!!

أنا ذاك الغريب اللي رحل عن ديرته مطرود.!!

وأنا ذيك العيون اللي سقت عطشى سواقيها..

وأنا ذاك الوحيد اللي سهر والعالمين رقود!!

عيونه ماتنام الليل
ترجي شوف غاليها.!!!

أنا اللي مايخاويني
سوى ذيك الليال السود!!

وأنا اللي قصتي قصه عجزت أعرف معانيها.!!

مشيت بسكة الغربه،،
مشيت ولا وجدت حدود..
وجلست اطالع بدنيا الحب وماحصل فيها..

وجدت ان الامل يصبح لمن مثلي قبر ملحود.!

أمل باكر علي يهدم بيوت كنت بانيها.!!

غريب الليل وش يلقى؟!
سوى هم عليه يزود.. وضيقة صدر والدمعه عن الناس يخفيها.!!

يسافر مع نجوم الليل صوب الماضي المنشود!!

ولايلقى سوى ذكرى مرور الوقت ماحيها!!

طوال الليل يبني له مشاريع بروس النود.. وإلى اقبل عليه الصبح يهدمها ويمحيها!!!

نثر دمعه على خده ينادي وقته المفقوود.!!!

تربع بالعذاب وشاف عينه سال واديها.!

حياتي ياغالي بها حزن وهم يزود.!!

حياتي يامغليني أسى وحرمان كاسيها.!!